Formation de base (février – samedi)

D'Formation de base ass fir all Jonken, dee beim SNJ de Brevet A an/oder de Brevet B maache wëll, fir wärend de Vakanz-Sportsaktivitéiten vun eiser Equipe “Sport Erliewen” oder wärend Kolonien a Summer Camps ze schaffen. Op dëser Formatioun léiers Du d'Grondlage fir ee Grupp z'encadréieren, alles zum Thema Sécherheet a Präventioun an och Animatiounstechniken. Duerch interaktiv Aufgaben an een theoreteschen Input gëss du drop virbereet ee Grupp Kanner oder Jugendlecher wärend enger Aktivitéit...

D'Formation de base ass fir all Jonken, dee beim SNJ de Brevet A an/oder de Brevet B maache wëll, fir wärend de Vakanz-Sportsaktivitéiten vun eiser Equipe “Sport Erliewen” oder wärend Kolonien a Summer Camps ze schaffen. Op dëser Formatioun léiers Du d'Grondlage fir ee Grupp z'encadréieren, alles zum Thema Sécherheet a Präventioun an och Animatiounstechniken. Duerch interaktiv Aufgaben an een theoreteschen Input gëss du drop virbereet ee Grupp Kanner oder Jugendlecher wärend enger Aktivitéit ze begleeden an d'Responsabilitéit fir si ze huelen.
 

Wichteg Informatiounen:

• Dës Formatioun fënnt vun 09:00 bis 18:00 Auer statt
• D’Ëmgangssprooch an de Contenu vun der Formatioun sinn op Lëtzebuergesch

D'Formation de base gëllt als obligatoresch Formatioun fir de Brevet A an de Brevet B.

Fir de Brevet A sinn donieft nach follgend Schrëtt vum Formatiounsparcours ze maachen:

• Formatiounsweekend “Animateur A”
• 25 praktesch Stonnen
   

Fir de Brevet B sinn donieft nach follgend Schrëtt vum Formatiounsparcours ze maachen:

• Formatiounswoch Brevet B
• 1 Formatiounsweekend vum Modul 1
• 1 Formatiounsweekend vum Modul 2
• 50 praktesch Stonnen