Statut : Annulé

Wat kann ech? Wat soll ech? Wat däerf ech?

Wat bedeit et, als Animateur bei Kolonien, Campen a Weekender Verantwortung ze droen?

Nieft engem kuerzen theoreteschen Deel iwwer Méiglechkeeten, Grenzen a Konsequenzen, maache mer eng Rei Abenteuer Spiller wou mer kucke wéi dat Theoretescht an der Praxis ze realiséieren ass.
Dës Formatioun ass geduecht fir all Animateuren/Animatrice, déi méi iwwer hier Méiglechkeeten a Limitte wëlle gewuer ginn.

Wichteg Informatiounen:

• Dës Formatioun fënnt mat Iwwernuechtung statt
• D’Ëmgangssprooch an de Contenu vun der Formatioun sinn op Lëtzebuergesch

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest sportlech Kleedung a Schung.

Mir trainéieren den Ëmgang mat Kaart a Kompass, léieren d'Funkprozedur a wenden dëst Wëssen an der Nuecht un, bei enger Expeditioun déi sech gewäsch huet. Beim Nuetsraid geet et drëm ze spieren wat et heescht richteg Décisiounen ze huelen, ee fir deen aneren do ze sinn während Gruppen Challengen, Limitten erkennen an als Équipe staark ze sinn; alles wat fir en Animateur wichteg ass. Pak deng Täscheluucht un a lass!

Dës Formatioun fënnt dobaussen statt an d'Participanten mussen dat néidegt Équipement dobäi hunn: waarm a wierderfest Kleedung a Wanderschung, e Schlofsak an eng Isomatte an eng Gamelle a Läffelsgeschir.

Geschichten an Theater hunn eng grouss Valeur op eise Kolonien. Fest encadréiert am Wocheplang suergen dës fir Identifikatioun a Spannung bei de Kanner, woubäi den Opbau vun der Story een essentielle Rôle anhëlt.

Wëlls du wëssen, wéi een eng flott Geschicht schreift an zesumme setzt? Op dësem Weekend siche mir net nëmmen no engem roude Fuedem, mee mir luussen och hannert d'Kulissen. Zesumme kucke mir, wat et heescht eng Geschicht fir Kanner a Jugendlecher ze plangen, z‘organiséieren an ëmzesetzen.

Wichteg Informatiounen:

• Dës Formatioun fënnt mat Iwwernuechtung statt
• D’Ëmgangssprooch an de Contenu vun der Formatioun sinn op Lëtzebuergesch

Haut geet et an d’Schwämm, dat ass ëmmer eng super Aktivitéit an d’Kanner freeën sech scho wéi wëll. D’Stëmmung ass super, bis mer virun der Schwämm stinn. Oh nee… d’Schwämm ass zou!

A wat elo? Leider leeft net ëmmer alles riicht an et muss een heiansdo improviséieren.

Dëse Weekend soll dir weisen, datt ee bei grousse Pannen, wéi enger Aktivitéit déi ausfält, awer och bei méi klenge Pannen mat ganz einfache Mëttelen kann d’Kolonie um Lafenden halen. Zil vum Weekend ass et, dass du dono ëmmer e Plang B an der Täsch hues, a ganz spontan kanns eppes aus dem Aarm zauberen, ouni dofir vill ze organiséieren.

Wichteg Informatiounen:

• Dës Formatioun fënnt mat Iwwernuechtung statt
• D’Ëmgangssprooch an de Contenu vun der Formatioun sinn op Lëtzebuergesch

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Schung.

Op dësem Weekend léiers du, wéi een Nuetsspiller organiséiert an ëmbaut. Aktivitéiten, fir kleng a grouss Kanner, am Haus oder am Bësch stinn um Programm. Wann’s du méi wëlls wëssen zur Veillée, Nuetsspiller, Nuetsrallyen a schonn ëmmer denger Kreativitéit fräie Laf loossen an deng Spill-Iddi teste wolls, da mell dech direkt hei un.

Dës Formatioun fänkt Freides owes un!

Op dësem Weekend léiers du, wéi een Nuetsspiller organiséiert an ëmbaut. Aktivitéiten, fir kleng a grouss Kanner, am Haus oder am Bësch stinn um Programm. Wann’s du méi wëlls wëssen zur Veillée, Nuetsspiller, Nuetsrallyen a schonn ëmmer denger Kreativitéit fräie Laf loossen an deng Spill-Iddi teste wolls, da mell dech direkt hei un.

Dës Formatioun fänkt Freides owes un!