Formatiounswoch Brevet C

Duerch deng Erfarung als Animateur/Animatrice mam Brevet B, kënne mir wärend der Formatiounswoch vum Brevet C vill méi intensiv ob deng Verantwortung a Verpflichtungen agoen. Wärend dëser Formatioun thematiséiere mir de Volet vun der Kommunikatioun, vun der Gruppen Dynamik an awer och vu schwieregen Situatiounen, déi op enger Kolonie oder engem Camp virkomme kënnen.

Zesummen mat dengem Formatiounsteam gëtt verstäerkt geléiert, wéi een dono mat méi Responsabilitéit op enger Aktivitéit mat...

Duerch deng Erfarung als Animateur/Animatrice mam Brevet B, kënne mir wärend der Formatiounswoch vum Brevet C vill méi intensiv ob deng Verantwortung a Verpflichtungen agoen. Wärend dëser Formatioun thematiséiere mir de Volet vun der Kommunikatioun, vun der Gruppen Dynamik an awer och vu schwieregen Situatiounen, déi op enger Kolonie oder engem Camp virkomme kënnen.

Zesummen mat dengem Formatiounsteam gëtt verstäerkt geléiert, wéi een dono mat méi Responsabilitéit op enger Aktivitéit mat Iwwernuechtung täteg ass an zesummen an enger Equipe vun Animateuren/Animatricen Spiller, Atelieren oder och Ausflich plange kann.

Wärend dëser Formatioun fënnt och déi obligatoresch Kiche Formatioun “Les bonnes pratiques d'hygiène HACCP dans le secteur Horeca” statt, déi ee brauch fir spéiderhin op enger Kolonie oder engem Camp an der Kach Equipe ze sinn.

Konditioun: Brevet B, 17 Joer hunn

Wichteg Informatiounen:

• Dës Formatioun fënnt mat Iwwernuechtung statt
• D’Ëmgangssprooch an de Contenu vun der Formatioun sinn op Lëtzebuergesch

Dës Formatioun fënnt vill dobaussen statt an d'Participanten mussen dat néidegt Equipement dobäi hunn: wierderfest Kleedung a Schong.

Fir de Brevet C sinn donieft nach follgend Schrëtt vum Formatiounsparcours ze maachen:

• 1 oder 2 Formatiounsweekender vum Modul 3
• 1 oder 2 Formatiounsweekender vum Modul 4
• 50 praktesch Stonnen