Statut : Ouvert

“STAP” – Stage d’approfondissement pédagogique

Fir un dëser Formatioun kënnen deel ze huelen, muss een Member an engem lokalen Grupp vun den “Lëtzebuerger Guiden a Scouten” sinn.
 
De “Stage d’Approfondissement Pédagogique” ass den “theoreteschen” Deel vum 2. Zyklus vun der Formatioun bei den LGS, fir eng Ernennung als Branchechef (Biberchef, Akela, Truppechef, Clanchef) an de Brevet Animateur C ze kréien. Dëse Formatiounscamp ass fir all d’Branchen zesummen an dauert 8 Deeg / 7 Nuechten.
 
Konditioune fir de STAP matzemaachen :
 
  • Member an engem lokalen Grupp vun den “LGS” sinn
  • op d’mannst 18 Joer al sinn
  • eng Ernennung als Assistent (den 1. Zyklus vun der Formatioun muss ofgeschloss sinn !)
  • alternativ: de Brevet Animateur B bei enger anerer Organisatioun + Methodendag bei enger LGS-Branche
Ziler:
 
Um Enn vun dëser Formatioun soll de Kandidat kënnen:
  •  eng Branchenunitéit (Famill, Ruddel, Trupp, Clan) an eng Chefekipp leeden
  • e Camp eng Aktivitéit vun 3 oder méi Nuechten organiséieren a leeden.

Formation Animateur A

Dës Formatioun ass fir Fräizäitaktivitéiten ouni Iwwernuechtung zb bei Spillnomëttiger oder Summeraktivitéiten geduecht awer och fir Aktivitéiten am Jugendhaus.
D’Formatioun besteet aus 50 Stonnen, dovunner 30 Stonnen Theorie an 20 Stonnen Praxis.
(entweder hudd dir schonn e Stage an enger Institutioun gemeet oder dir macht dësen virun oder Stonnen wärend de Summeraktivitéiten an aerer Gemeng.)
Déjéinig déi Summeraktivitéiten am Préizerdaul matmaachen kënnen de Stage an eiser Institutioun machen. 

Aktioun Bambësch 02 – 05.04.24

La formation comprendra:
  • un weekend de prise de contact (du 23 au 24 mars 2024, nuitée obligatoire incl.)
  • un stage pratique pendant l’Aktioun Bambësch Pâques (du 2 au 5 avril 2024)
  • un stage théorique d’une demi-journée (samedi) au CAPEL (date sera communiquée dans les meilleures délais)
  • un weekend de stage théorique à choisir par le candidat parmi l’offre du SNJ
  • 4 jours préparatoires pendant la semaine précédant l’Aktioun Bambësch en été  (du 16 au 19 juillet 2024)
  • un stage pratique pendant l’Aktioun Bambësch en été (du 22 juillet au 16 août 2024).
Les stages pratiques ainsi que les jours préparatoires de l’Aktioun Bambësch été, seront rémunérés.

Candidatures formation d’animateur B 
  • Pour postuler, tu dois présenter les documents suivants :
  • lettre de motivation (avec la référence suivante : forma-etud/capel) 
  • curriculum vitae 
  • certificat d’inscription auprès d’une école/université (2023-2024)
  • pour les candidats âgés ≥18 ans : extrait récent du casier judiciaire (bulletins n° 3 et n° 5)
  • relevé d’identité bancaire (RIB)
  • copie de la carte d’identité
  • photo récente
Le dossier de candidature, muni de toutes les pièces requises, est à adresser au Collège des bourgmestre et échevins L-2090 Luxembourg pour le 2 février 2024 au plus tard. 
Le secrétariat du CAPEL (tél.: 4796-2442, email : capel@vdl.lu), se tient à disposition pour de plus amples renseignements.

Formation de base (Mars)

D'Basis-Formatioun ass fir all Jonken, dee beim SNJ Animateur/Animatrice op de Kolonien a Summercamps wëll ginn. Op dëser Formatioun léiers Du d'Grondlagen fir ee Grupp z'encadréieren, Alles zum Thema Sécherheet an och Moderatiounstechniken. Duerch interaktiv Aufgaben an een theoreteschen Input gëss du drop virbereed ee Grupp Kanner oder Jugendlecher während enger Aktivitéit ze begleeden an d'Responsabilitéit fir si ze huelen.

D'Basisformatioun gelt als obligatoresch Formatioun fir de Brevet A an de Brevet B.
Dës Formatioun dauert vun 09:00 bis 18:00 Auer.

Formatiounswoch Brevet B (Ouschteren)

Wéi betreien an animéieren ech e Grupp Kanner während enger Aktivitéit mat Iwwernuechtungen? Wéi preparéieren a realiséieren ech e grousst Spill oder een Atelier? Wéi schaffen an ameséieren ech mech mat menge Co-Moniteuren? Wann’s du dir all dës Froe stells, a Loscht hues mat anere motivéierte Jonken op eng praxisorientéiert Art a Weis ze léieren, wéi ee Kanner eng onvergiesslech Zäit bitt, da bass du op dëser Woch genau richteg!

Dës Formatiounswoch fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Wanderschung.

 

Spill a Spaass fir déi Kléng

Oh nee! Déi Kanner sinn dach vill ze kleng, wat kann ech wuel mat deene maachen? Op dëser Formatioun léiers du Spiller, Lidder, Dänz a Gebastels, déi och déi kléng Butze fäerdeg bréngen.

Grouss Spiller

Wat kënne mer mat de Kanner de Mëtte maachen? Eng Aktivitéit fir d'ganz Kolonie? Iwwert de ganzen Dag? E Spill an der Stad? Wann’s du der dës Froe stells an och nach wëlls wëssen, wéi een esou eng Aktivitéit organiséiert, da mell dech hei un. Hei kriss de d' Méiglechkeet, fir selwer ze plangen an auszeprobéieren.

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Schung.

Wéi organiséieren ech eng Kolonie? (Formation Brevet E) Fréijoer

Eng Aktivitéit als Responsabel (Camp/Kolonie/Weekend) beim SNJ/GA organiséieren; wat kënnt do op mech duer? Dëse Stage gëtt dir en Abléck an de Pabeierkrich, déi engagéiert Responsabilitéiten, d’Zesummesetzen an d’Leede vum Staff an d’Entwécklung vu Konzepter a Strukturen fir deng Aktivitéit ze plangen an duerchzeféieren. Mir werfen och e Bléck op dat ganzt Material wat sou op enger Aktivitéit zesummekënnt.

Konditioun: Brevet C, 18 Joer an eng grouss Erfahrung als Animateur/Animatrice

Sport fir jiddereen

Net schonn erëm jogge goen… Wéi eng Alternative ginn et? Wéi kann ee Kanner a Jonken sportlech Aktivitéiten a Spiller op enger Kolonie schmackhaft maachen, déi villäicht am private Kontext Sportmuffelen sinn? Op dësem Formatiounsweekend vergréissers du däi Spill- a Methode Koffer am Beräich vun der Beweegung a vum Sport.

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest sportlech Kleedung a Schung.

Inklusioun vu Kanner mat enger Beanträchtegung

Wéi kann ech e Kand mat enger Beanträchtegung a mengem Grupp oder bei engem Spill integréieren? Ass dat iwwerhaapt méiglech? Wéi ginn ech domat ëm? Mat vill eegener Erfahrung vun den Zelt Kolonien an enger ganzer Rei vu klengen Tricke weise mir dir wou Méiglechkeeten a Grenzen vun der Inklusioun op enger Kolonie leien. Natierlech verbonne mat ville praktesche Beispiller!

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Schung.

Hike

De Wee mat der Kaart a mam Kompass fannen, sech ee Biwak dobaussen opriichten, fir kënnen dréchen ze schlofen, wësse wat ee wéi dobausse kache kann, op wat een oppasse muss beim Organiséiere vun engem Hike a wéi een sou eng Aktivitéit richteg flott a sécher maache kann, alles dat gëss du hei gewuer !

Dës Formatioun fënnt mat der Iwwernuechtung ganz dobaussen statt an d'Participanten mussen dat néidegt Équipement dobäi hunn: waarm a wierderfest Kleedung a Wanderschung, e Wander Rucksak, e Schlofsak, eng Isomatte an eng Gamelle mat Läffelsgeschir.

Plang B

Haut geet et an d’Schwämm, dat ass ëmmer eng super Aktivitéit an d’Kanner freeën sech scho wéi wëll. D’Stëmmung ass super, bis mer virun der Schwämm stinn. Oh nee… d’Schwämm ass zou!

A wat elo? Leider leeft net ëmmer alles riicht an et muss een heiansdo improviséieren.

Dëse Weekend soll dir weisen, datt ee bei grousse Pannen, wéi enger Aktivitéit déi ausfält, awer och bei méi klenge Pannen mat ganz einfache Mëttelen kann d’Kolonie um Lafenden halen. Zil vum Weekend ass et, dass du dono ëmmer e Plang B an der Täsch hues, a ganz spontan kanns eppes aus dem Aarm zauberen, ouni dofir vill ze organiséieren.

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Schung.

Kachen a Brachen

Wéi schielen ech eng Ënn? Wat man ech, wann 120 Leit Honger hunn? Vun der einfacher Spaghetti bis bei de leckere Gaumenschmaus, Menüe fir Kanner, Kache mat Kanner. Ee Weekend fir Käch a Kichebanausen.

New Games

Billy-Billy-Bob, Riesen-Elfen-Zauberer, Ying-Yang,? … an all déi aner New Games, sinn dat nëmme kleng Spiller fir den Zäitverdreif oder stécht méi derhannert? Dëst wäerte mir op dësem Formatiounsweekend erklären. Dernieft wäerte mir selbstverständlech vill nei New Games kenne léieren an se och spillen.

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Schung.

Bastel Gekniwwels

Op dësem Weekend kriss du vill nei originell Iddien fir Atelieren. Hei gëtt geschnëppelt, gepecht, Rezepter a verréckt Sportaarten ausprobéiert bis et net méi geet. Hei gesäis du wéi een sou eng Aktivitéit opbaut a kriss vill Tipps an Tricks mat op de Wee.

Formatiounswoch Brevet C

An dëser Formatiounswoch gi mir op d’Roll vum Animateur an, mir behandelen Theme wéi Kommunikatioun a Gruppen Dynamik mat prakteschen Übungen, mir tauschen eis iwwer éischt positiv a negativ praktesch Erfahrungen aus a mir léieren Notioune vun der 1. Hëllef fir am Fall vun engem Accident oder enger Verletzung richteg reagéieren ze kënnen. Während dëser Formatioun fënnt och déi obligatoresch “Kiche Formatioun” statt, déi ee brauch fir spéiderhin op enger Kolonie an der Kach Équipë ze sinn.

Konditioun: Brevet B, 17 Joer hunn

Brainfood & Bodycheck

Fann eraus, firwat et fir dech an d’Welt smart ass, dech genossvoll nohaltech z’ernähren an och duerch kierperlech Erausfuerderungen eng Balance a Spaass an dengem Liewen ze fannen. Fidder däi Gehir mat Wëssen iwwert lokal a saisonal Bioproduiten, déi fair produzéiert sinn an och nach gutt schmaachen.

Industriejunkfood war gëschter! Probéier och selwer aus, wéi Beweegung Spaass ka maachen, an bau dir e Methode Koffer op, fir selwer dës Thematiken op enger Kolonie mat Kanner oder Jugendlecher unzegoen.

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Wanderschung.

Formation de base (Novembre)

D'Basis-Formatioun ass fir all Jonken, dee beim SNJ Animateur/Animatrice op de Kolonien a Summercamps wëll ginn. Op dëser Formatioun léiers Du d'Grondlagen fir ee Grupp z'encadréieren, Alles zum Thema Sécherheet an och Moderatiounstechniken. Duerch interaktiv Aufgaben an een theoreteschen Input gëss du drop virbereed ee Grupp Kanner oder Jugendlecher während enger Aktivitéit ze begleeden an d'Responsabilitéit fir si ze huelen.

D'Basisformatioun gelt als obligatoresch Formatioun fir de Brevet A an de Brevet B.
Dës Formatioun dauert vun 09:00 bis 18:00 Auer.

Wéi organiséieren ech eng Kolonie? (Formation Brevet E) Wanter

Eng Aktivitéit als Responsabel (Camp/Kolonie/Weekend) beim SNJ/GA organiséieren; wat kënnt do op mech duer? Dëse Stage gëtt dir en Abléck an de Pabeierkrich, déi engagéiert Responsabilitéiten, d’Zesummesetzen an d’Leede vum Staff an d’Entwécklung vu Konzepter a Strukturen fir deng Aktivitéit ze plangen an duerchzeféieren. Mir werfen och e Bléck op dat ganzt Material wat sou op enger Aktivitéit zesummekënnt.

Konditioun: Brevet C, 18 Joer an eng grouss Erfahrung als Animateur/Animatrice

Konstruktiounen bei der Sauer

Wann s du schonn ëmmer wësse wolls, wéi een op engem Camp oder enger Kolonie flott a sécher Konstruktioune mat a fir d’Kanner baue kann, da bass du op dësem Weekend genee richteg !

Mir léiere verschidde Kniet a bauen niewent enger grousser Konstruktioun aus Holz och eng Afe Bréck. Owes loosse mir den Dag gemittlech mat einfache Bastelatelieren auskléngen.

Dës Formatioun fënnt vill dobaussen statt an d'Participanten mussen dat néidegt Équipement dobäi hunn: wierderfest Kleedung a Schung.

Brevet F (Formateur)

Des Formatioun ass fir erfuerenen Animateure, fir kennen d’Formatioune fir de Brevet vum Animateur selwer ze halen. Theorie hält de SNJ an d’Praxis méchs du béi eis.
formations@youngcaritas.lu
https://animateur.snj.lu/event/formatioun-fir-formateuren-hierscht

Formatiounswoch fir aide-animateur/trice

Brevet C (Animateur)

Hei solls du:

Op mannst 17 Joer hunn
De Brevet B vum Animateur hunn
3 Formatiounsweekender maachen
1 Formatiounswoch maachen (5 Deeg)
1 Kolonie maachen (8 Deeg)

13-14.01.2024 : Kachen a Brachen  
Mir benotzen all eis Fantasie fir zu engem bestëmmten Thema ze kachen. Sou maache mer z.B. bloe Schlumpfepudding mat Baart, probéiere verschidde Menüen aus, kucken zesummen op wat mer bei Allergien an Intoleranzen oppasse mussen a léiere gesond a gläichzäiteg Kandgerecht ze kachen! D`Hygiène an der Kiche begleet eis dobäi de ganze Weekend.
24-25.02.2024 : Theaterweekend
Mat Improtheater, Rollespiller a verkleeden um Programm, gëtt et op dësem Weekend sécher net langweileg. Wei kann en d`Kanner duerch en Theater begeeschteren? Wat brauch en u Material? Wei kann e Spiller an en Theater abauen? Zu all dësen an nach anere Froe kritt dir eng Äntwert.
Datum à voir : Inklusiounsweekend
An Zesummenaarbecht mat engem Grupp vu Kanner a Jugendleche mat enger Beanträchtegung, gestallte mir e spannenden a léierräiche Weekend. Dobäi wäert vill drëm goen, sech un di verschidde Bedierfnisser kennen unzepassen an d‘Aktivitéiten dorobber kennen ofzestëmmen.   
08-12.04.2024 : Formatiounswoch
Wärend der Formatiounswoch gi vill verschidden Aspekter vun der Kanner- a Jugendbetreiung duerchgeholl. Z.B. d ‘Besoine vu Kanner a Jugendlechen, Kommunikatioun, Gruppendynamik a villes méi wat engem op enger Kolonie weiderhëlleft.

Brevet E (Responsabel Kolonie)

Hei solls du:

Op mannst 18 Joer hunn
De Brevet C vum Animateur hunn
Vill Kolonieerfarunge gesammelt hunn

Datum:
27.01.2024
Als Responsabel vun enger Kolonie muss een d’Haaptverantwortung iwwert de ganze Grupp iwwerhuelen, de Programm koordinéieren, d’Moniteursequipe zesummestellen a leeden, de Budget verwalten a villes méi.
Fir d ‘Formatioun vum Brevet E gëtt just eng limitéiert Unzuel vun Animateuren zougelooss. Fir Responsabel ze ginn, muss du virdrun iwwert e puer Joer Kolonieerfarunge gesammelt hunn.

Brevet E (Responsabel)